«Серпін-2050» жобасын насихаттау жұмыстарына белсене кірістік. Бүгін Қызылорда қаласындағы Қорқыт ата атындағы Қызылорда мемлекеттік университетінің «Студенттер сарайында» жастармен, ата-аналармен, жалпы жобаға қызығушылық танытқан азаматтармен кездестік. Ал, сағат 12.00 де аймақтағы жұмыс топтары мен штабтардың өкілдерімен жолығудың көздеп отырған жайымыз бар. Одан соң, 15.00 де қоғамдық қабылдау өткіземіз. Кешке «Қазақстан-Қызылорда» телеарнасының тікелей эфирінде көрермен сауалдарына жауап бермекпіз. Қысқасы, бүгінгі күн қарбалас болайын деп тұр. Бірақ, қызықты болары анық. Өйткені, «Серпін-2050» әлеуметтік жобасының ел үшін берері мол.